අත්‍යවශ්‍ය සේවා පවත්වාගෙන යාම හා කොවිඩ් සංචරණ සීමා තත්වය යටතේ ජනතාවට සහන ලබාදීම සම්බන්ධයෙන් රජයේ ප්‍රවෘත්ති දෙපාර්තමේන්තු පරිශ්‍රයේ අද(28දින) පැවති මාධ්‍ය හමුවකදී ජනතා අවශ්‍යතා සඳහා අවශ්‍ය ආයතන හදිසි තත්වයකදී විවෘත කිරීම සම්බන්ධයෙන් රජය කටයුතු කරන ආකාරය පිළිබඳව මාධ්‍ය කළ විමසුමකදී අමාත්‍යවරයා මේ බව පැවසීය.
මෙහිදී වැටුප් ලබාගැනීමට පෞද්ගලික අංශයේ මෙන්ම රජයේ සේවකයන්ටද මෙම කොවිඩ් සීමා යටතේ නොහැකිවීම හා එම නිසා අත්‍යාවශ්‍ය භාන්ඩ මිළදී ගැනීමට නොහැකිවීම සම්බන්ධයෙන් මාධ්‍ය විමසූ විට අමාත්‍යවරයා පැවසුවේ රජය ඒ සම්බන්ධයෙන් සාකච්ඡා කරමින් පවතින බවත් නුදුරේදීම ඒ සම්බන්ධයෙන් නිසි පිළිතුරක් ලබාදීමට කටයුතු කරන බවත්ය.
වැඩිදුරටත් අදහස් දැක්වූ අමාත්‍යවරයා පැවසුවේ මේ රටේ ජනතාවගේ අවශ්‍යතාවයන් කිසිඳු ගැටලුවක් ඇති නොවන පරිදි දිස්ත්‍රික් ලේකම්වරුන් හා ප්‍රාදේශීය ලේකම්වරුන් හරහා ක්‍රියාත්මක කරන බවත්, එය මෙම මස 30 වැනිදා සිට ක්‍රියාත්මක කරන බවත්ය.
