පසුගිය දින සිදු වූ රසායනික බදු පටවාගත් නෞකාව ගිනිබත් වීමත්, එකී රසායන ද්‍රව්‍ය මුහුදට කාන්දු වීම නිසා ලුණු නිෂ්පාදනය කිරීමේ දුෂ්කරතාවයක් මතුව තිබෙන බවත්, ඒ නිසා අනාගතයේ දී ලුණු හිඟයක් ඇතිවන බවට මේ
වන විට කටකතාවක් පැතිර යාමක් පිළිබඳව තමන්ට වාර්තා ලැබී තිබෙන බවත්, එහෙත් ලුණු ලේවායේ ලුණු නිෂ්පාදනයට මෙතෙක් බලපෑමක් සිදු ව නොමැති බව බලශක්ති අමාත්‍ය උදය ගම්මන්පිල මහතා කියා සිටි.
ඒ මහතා මේ බව කියා සිටියේ, අද (01) රජයේ ප්‍රවෘත්ති දෙපාර්තමේන්තුවේ කැබිනට් තීරණ දැනුම්දීමේ මාධ්‍ය හමුවේ දී ය.
ලුණු ලේවායන් තිබෙන ප්‍රදේශ වලට නැවේ රසායනික ද්‍රව්‍ය කාන්දු වීමේ බලපෑමක් සිදු ව නොමැති නිසා ලුණු හිඟයක් ඇති වීමටවත්, ලුණු නිෂ්පාදනය ඇනහිටීමටවත්, කිසිම හේතුවක් නොමැති බව හෙතෙම වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
