බියෙන් සැකෙන් තොර සමාජයක් බිහි කරලීම සඳහා නව පොලිස් ස්ථාන ස්ථාපිත කිරීමේ සංකල්පයට අනුව කොළඹ උතුර පොලිස් කොට්ඨාසයට අයත් මෝදර පොලිස් බල ප්‍රදේශය තුළ පිහිටුවන ලද මිහිජයසෙවන නව පොලිස් ස්ථානය මහජන ආරක්ෂක අමාත්‍ය රියර් අද්මිරාල් (විශ්‍රාමික) ආචාර්ය සරත් වීරසේකර මහතා අතින් පසුගියදා (11) විවෘත විය.
මෙම ප්‍රදේශයේ සුලභ මත්ද්‍රව්‍ය හා පාතාල ක්‍රියාකාරකම් මැඩලීම සඳහාත්, පවතින කොවිඩ්-19 වසංගත තත්ත්වය හමුවේ පොලීසිය විසින් ජනතාවට සිදු කරනු ලබන සේවාවන් වඩාත් කාර්යක්ෂම කිරීම සඳහාත් මෙම පොලිස් ස්ථානය පිහිටුවීම අරමුණු කර ගෙන ඇත.
මෙම අවස්ථාවට බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා ඇතුළු පොලිස් නිලධාරීන් පිරිසක්ද එක්විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
