අමාත්‍යවරයා මේ බව පවසා සිටියේ කිලිනොච්චියේ ඉරණමාතා ගම්මානයේ පසුගිය මාර්තු මාසයේ ආරම්භ කළ මුහුදු කූඩැල්ලන් අපනයන ව්‍යපෘතියේ ප්‍රගතිය පිළිබදව සොයා බැලීම සදහා 20
දින සිදුකළ සංචාරයෙන් අනතුරුවයි.
මෙහිදි වැඩිදුරටත් අදහස් දැක්වු අමාත්‍යවරයා පවසා සිටියේ, ධීවරයන් මහා සාගරයට ගොස් නෙලාගන්නා මත්ස්‍ය සම්පත තුළින් ලබාගන්නා අදායම මෙන් වැඩි අදායමක් ධීවර
පවුල්වල අනිකුත් සාමාජිකයින්ද සම්බන්ධ කර ගනිමින් ලබා ගැනීමට අවශ්‍ය වට පිටාවක් නිමාණය කිරිම උදෙසා මෙම මුහුදු කූඩැල්ලන් ව්‍යාපෘතිය ආරම්භ කළ බවත්, ඒ තුළින් උපරිම ප්‍රයෝජන ගෙන තම පවුලේ ආර්ථිකය නගා සිටුවීම සදහා කටයුතු කිරීම තම තමන්ගේ යුතුකම වන බව පැවසීය.
තවද මෙම ව්‍යාපෘති රටපුරා දියත්කර ධීවර කර්මාන්තය තුළින් දෛනික ආර්ථිකයට ලබා දියහැකි උපරිම දායකත්වය ලබා දීමට තම අමාත්‍යාංශය මෙහෙය වන බවද පැවසීය.
