ලෝක සෞඛ්‍ය සංවිධානය විසින් ශ්‍රී ලංකාවට පත්කළ නව නේවාසික නියෝජිතවරිය වන වෛද්‍ය අලකා සිං මහත්මිය සහ ඖෂධ නිෂ්පාදනය, සැපයීම් හා නියාමනය රාජ්‍ය අමාත්‍ය මහාචාර්ය චන්න ජයසුමන මහතා අතර හමුවක් ඖෂධ නිෂ්පාදනය සැපයීම හා නියාමන රාජ්‍ය අමාත්‍ය කාර්යාලයේ දී සිදු විය.
ගෝලීය වසංගතයක් වන කොවිඩ් රෝගයට ශ්‍රී ලංකාව මුහුණ දීමේ දී රජයක් වශයෙන් ගෙන ඇති ක්‍රියාමාර්ග පිළිබඳ එහි දී අමාත්‍යවරයා හා නියෝජිතවරිය අතර සාකච්ඡා වූ අතර කොවිඩ් මර්දන එන්නත්කරණ වැඩපිළිවෙල මෙහිදී අවධානයට ලක්විය.
ලෝක සෞඛ්‍ය සංවිධානයේ නව ශ්‍රී ලංකා නේවාසික නියෝජිතවරියට ඖෂධ නිෂ්පාදනය, සැපයීම් හා නියාමනය රාජ්‍ය අමාත්‍යතුමා සුබාශීංසන පිරිනැමූ අතර, ශ්‍රී ලංකාවේ කොවිඩ් මර්දන වැඩසටහන හා සෞඛ්‍ය ප්‍රවර්ධනයට ලෝක සෞඛ්‍ය සංවිධානයේ සහයෝගය හැකි උපරිමයෙන් තවදුරටත් ලබාදෙන බව වෛද්‍ය අකලා සිං මහත්මිය පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
