රටේ පවතින කොවිඩ් ව්‍යසනය හමුවේ සියලු දෙනා කොවිඩ් එන්නත ලබා ගත යුතු බවත් රජය වැඩි මුදලක් එන්නත්කරණය සඳහා වැය කරන අතර ඒ සඳහා ඉදිරිපත් වීම අත්‍යාවශ්‍ය බවත් මුදල්,ප්‍රාග්ධන වෙළෙඳපොළ සහ ව්‍යවසාය සංවර්ධන රාජ්‍ය අමාත්‍ය අජිත් නිවාඩ් කබ්රාල් මහතා අද(05) පාර්ලිමේන්තුවේදී පැවසිය.
අමාත්‍යවරයා මෙසේ පැවසුවේ, කුරුණෑගල දිස්ත්‍රික් පාර්ලිමේන්තු මන්ත්‍රී ශාන්ත බණ්ඩාර මහතා මතු කළ ප්‍රශ්නයකට පිළිතුරු දෙමිනි.
කොවිඩ් රෝගය මර්දනය කිරීම සඳහා රජය මේ දක්වා රුපියල් කෝටි දෙලක්ෂ පන් දහසක් වැය කර ඇති බවද අමාත්‍යවරයා කීය.
රජය එන්නත්කරණය සඳහා මෙපමණ මුදලක් වැය කරන්නේ මෙරට ජනතාවගේ ජීවිත වැදගත් නිසා යැයි පැවසූ මුදල් රාජ්‍ය ඇමතිවරයා, කොරෝනා පාලනය සඳහා රජය දිගටම කටයුතු කරන බවද සඳහන් කළේය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
