ඉදිරි සති 02ක ඇතුළත ඉන්දියාවෙන් සහ සිංගප්පූරුවෙන් ඔක්සිජන් ගෙන ඒමට කටයුතු සම්පාදනය කර ඇතැයි ඖෂධ නියාමන රාජ්‍ය අමාත්‍ය මහාචාර්ය චන්න ජයසුමන මහතා අද(05) පාර්ලිමේන්තුවේදී සඳහන් කළේය.
රෝගීන් සඳහා ඔක්සිජන් අවශ්‍යතාවය මතුව තිබෙන තත්ත්වය තුළ මෙම පියවර ගැනීමට සිදුව තිබේ.
ඩෙල්ටා ප්‍රභේදය පැතිරීම ඉහළ යන බව කී අමාත්‍යවරයා, මනුෂ්‍යත්වයට මුල් තැන දෙමින් සිදු කරගෙන යන වැඩවර්ජන නවත්වන ලෙස ඉල්ලා සිටියේ ය.
මෙතෙක් එන්නත ලබා නොගත් සියලු පුද්ගලයින් කඩිනමින් එන්නත ලබා ගන්නා ලෙස රාජ්‍ය අමාත්‍යවරයා ඉල්ලා සිටියේ ය.හෙට (6) සයිනොෆාම් එන්නත් මාත්‍රා මිලියන දෙකක් මෙරටට රැගෙන එන බවද අමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
