පාර්ලිමේන්තු මන්ත්‍රී චමින්ද විජේසිරි මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
රැකියා සම්බන්ධයෙන් පුවත්පත් දැන්වීමක් පළ කර ඇති අතර සුදුසුකම් ලබා ඇති ශ්‍රමිකයින්ට මේ සඳහා ඉල්ලුම් කළ හැකි බව අමාත්‍යවරයා පැවසීය
ශ්‍රී ලංකාව සඳහා කොරියානු රජයේ විදේශ රැකියා අවස්ථා 4500ක් ලැබී තිබේ. පවතින කොවිඩ් වසංගතය හේතුවෙන් කොරියානු රජය ශ්‍රී ලංකාව , විදේශිකයින් ගෙන්වාගැනීමේ රතු ලැයිස්තුවට ඇතුළත් කර ඇති බවත් එබැවින් මේ දිනවල විදේශිකයින් ගෙන්වා ගන්නේ නැති බවත් එම රතු ලැයිස්තුවෙන් බැහැර වූ විගස මෙරට ශ්‍රමිකයින් කොරියාවේ රැකියා සඳහා යැවිය හැකි බවද විදේශ රැකියා අමාත්‍යවරයා සඳහන් කළේය.
ජපානයේද මේ දිනවල පැවැත්වෙන ඔලිම්පික් ක්‍රීඩා තරගාවලිය හේතුවෙන් විදේශ ශ්‍රමිකයින් ගෙන්වා නොගන්නා බවද අමත්‍යවරයා පැවසීය
