වාරි සෞභාග්‍යා" ජාතික සංවර්ධන වැඩසටහන යටතේ ඇළ වේළි පිළිසකර කිරීමේ තවත් සංවර්ධන ව්‍යාපෘතීන් කිහිපයක් කුඹුරු හා ආශ්‍රිත වැව්, ජලාශ හා වාරිමාර්ග සංවර්ධන රාජ්‍ය අමාත්‍ය අනුරාධ ජයරත්න මහතාගේ ප්‍රධානත්වයෙන් පසුගියදා ආරම්භ කෙරිණි.
ඒ අනුව හාරිස්පත්තුව ආසනයේ පූජාපිටිය, අකුරණ බල ප්‍රදේශවල මල්ගම්මන්දෙනිය ඇළ මාර්ගය, ඉහළමුල්ල පිටියගම්මැද්ද ගම්මානවල ඇල මාර්ගය ,ගල්ගාල ගල්කොටුව කුඹුරේයාය ඇළ මාර්ගය ,දියහොඩ ඇල ,මාවතුපොල ඇල්දෙනිය ඇල මාර්ගය හා අලගොඩ කොටින්කඩුවයායේ ඇලවේල්ල සංවර්ධනය කිරීම සිදු කෙරිණි.
මෙම අවස්ථාවට පාර්ලිමේන්තු මන්ත්‍රී තිලක් රාජපක්ෂ මහතා හා නිලුපුල් රාජපක්ෂ මහතා ඇතුළු ප්‍රාදේශීය ලේකම්තුමා හා රාජ්‍ය නිලධාරීන් සහභාගි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
