ඒ මහතා මේ බව කියා සිටියේ කොවිඩ් මර්ධනය සඳහා දේශීය ආයුර්වේද පිළියම් යන මැයෙන් අද (24) රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය හමුවේ දී ය.
මේ වන විට ප්‍රතිශක්තිකරණය වැඩි කිරීම සදහා ඖෂධ ලබා දීමේ වැඩපිළිවෙල පළාත් සභා සමඟ ඒකාබද්ධ වී දිවයින පුරා ගමන් කරමින් ක්‍රියාත්මක වෙමින් පවතින බව ද කියා සිටි ඒ මහතා කොව්ඩ් රෝගයෙන් පීඩාවට පත්ව සිටින නිවෙස් වලට ප්‍රතිශක්තිකරණ මංජුසාවක් ලබා දීමේ කටයුත්ත පළාත් මට්ටමින් ආරම්භ කොට තිබෙන බවත්, එය ජාතික වැඩසටහනක් ලෙස ඉදිරි දින කිහිපයේ දී ක්‍රියාත්මක කිරිමට පියවර ගනු ලබන බවත් කියා සිටියේය.
බටහිර වෛද්‍ය ක්‍රමත්, දේශීය චිකිත්සක ක්‍රමත් ඒකාබද්ධ කරගත් වැඩපිළිවෙලක් ඔස්සේ යමින් මෙරට ආයුර්වේද රෝහල් පද්ද්ධතිය සක්‍රිය කිරීමට කටයුතු කර ඇති අතරම කොවිඩ් රෝගයට ප්‍රතිකාර ලබන රෝගීන් සම්බන්ධ යෙන් ගෙන බැලීමේ දී ආයුර්වේද රෝහල් පද්ධතිය තුළ සිදු කරන ක්‍රියාදාමය ඉතාමත් සාර්ථක බවත්, පරම්පරික දැනුම් පද්ධතිය නැවත මෙරට තුළ ප්‍රචලිත කොට ජනයා සුවපත් කිරීමට දේශීය වෛද්‍ය වෙදකම් ප්‍රවර්ධන අමාත්යංශය ලෙස පෙළ ගැසී කටයුතු කරන බවත් රාජ්‍ය අමාත්‍යවරයා විසින් වැඩිදුරටත් සඳහන් කර සිටියේය.
