මේ වනවිට ලෙබනන් රාජ්‍යයේ කොවිඩ් 19 වසංගත තත්ත්වය පාලනය කර ඇති බැවින්, වයස අවුරුදු 60 ට වැඩි පුද්ගලයින්ට එරට රැකියා සදහා ඇතුළු විමට නැවත අවසර ලබා දී ඇති බව ලෙබනන්හි ශ්‍රී ලංකා තානාපති කාර්යාලය නිවේදනය කරයි.
එරට පැවති කොවිඩ් වසංගත තත්ත්වයේ සීඝ්‍ර ව්‍යාප්තිය හේතුවෙන්, මේ වසරේ මාර්තු මස සිට බලපැවැත්වෙන පරිදි වයස අවුරුදු 60ට වැඩි පුද්ගලයින්ට ලෙබනනයේ රැකියා සදහා ඇතුළු වීම තාවකාලිකව අත්හිටුවා තිබුණි.
මේ වන විට ලෙබනනයතුළ කොවිඩ් වසංගතය පාලනය කර තිබෙන බැවින් එරට රැකියා සඳහා වයස අවුරුදු 60ට වැඩි පුද්ගලයින්ට ඇතුළුවීමට අවසර ලබා දී තිබෙන අතර, අදාල පුද්ගලයින් ලෝක සෞඛ්‍ය සංවිධානය විසින් අනුමත කරන ලද ඕනෑම එන්නතක අදාල මාත්‍රා දෙකම ලබාගෙන තිබීම අනිවාර්ය වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
