“සාර්ව ආර්ථික හා මූල්‍ය පද්ධති ස්ථායිතාව සහතික කිරීම සඳහා මාස හයක මාර්ග සිතියම” යන මැයෙන් මහ බැංකුව විසින් සංවිධානය කර තිබූ දේශනයට අද (ඔක්තෝබර් 01 වැනිදා) සහභාගි වෙමින් ඒ මහතා මේ බව පැවසීය.
මෙම ආයෝජන තත්වය වැඩිදියුණු කිරීම තුළින් ඉදිරියේ දී මෙරටට ආර්ථික අපහසුතාවක් ඇති වීමට ඉඩකඩ අවම වන අතර එමගින් ආර්ථික ස්ථායිතාව ඇති කිරීමට හැකි බවද අජිත් නිවාඩ් කබ්රාල් මහතා පැවසීය.
එමෙන්ම අප රටේ ණය තත්වය අඩු කිරීමට පූර්ව අත්දැකීම් නැවත සළකා බලන බවත්, එතුළින් ව්‍යාපාර දර්ශක වැඩිදියුණු කළ හැකි සේම ණය තත්වය අඩු කළ හැකි බවත්, එම තත්වය ළඟා කරගතහොත් ආයෝජකයන් විශේෂයෙන් සළකාබලන ස්ථානයක් ලෙස ශ්‍රී ලංකාවට තත්වයක් හිමි කරගැනීමට හැකියාව ඇති බවත්, මහ බැංකු අධිපතිවරයා පැවසීය.
කොළඹ වරාය නගරය සම්බන්ධයෙන් සම්මත කරගත් නීතියද ආයෝජකයන්ට සිය ආයෝජන යෙදවීමට හිතකර පරිසරයක් ඇතිකොට තිබෙන බවත්, අනාගතයේදී මේ ආකාරයෙන්ම අනෙකුත් ව්‍යාපාර හා ආයෝජන වලටද හිතකර පරිසරයක් ඇතිකිරීමට මෙය ආදර්ශ කරගන්නා බවත්, අජිත් නිවාඩ් කබ්රාල් මහතා වැඩිදුරටත් පැවසීය.
