ඇමරිකා එක්සත් ජනපදයේ , ශ්‍රී ලංකා තානාපති ලෙස අභිනවයෙන් පත්වු මහින්ද සමරසිංහ මහතා, මේරිලන්ඩ් ප්‍රාන්තයේ පිහිටි , මේරිලන්ඩ් බෞද්ධ විහාරස්ථානය වෙත ගොස් , උතුරු ඇමරිකාවේ ප්‍රධාන අධිකරණ සංඝනායක අතිපූජ්‍ය කටුගස්තොට උපරතන නායක හිමිපාණන් වහන්සේ බැහැදැක ආශිර්වාද ලබා ගත්හ.
මෙහිදී මහින්ද සමරසිංහ මහතා , මේරිලන්ඩ් බෞද්ධ විහාරස්ථානයේ අභිනවයෙන් ඉදිකළ, නව විහාරස්ථාන පරිශ්‍රය විවෘත කිරීමේ පුණ්‍යත්සවයටද සහභාගී වූ බව කටුගස්තොට උපරතන හිමිපාණෝ සඳහන් කළහ.
මෙම අවස්ථාවට බටහිර වර්ජනීයාවේ පිහිටි ජාත්‍යන්තර භාවනා මධ්‍යස්ථානාධිපති අතිපූජ්‍ය හේනේපොල ගුණරතන නායක හිමිපාණන් වහන්සේ ඇතුළු මහා සංඝරත්නය වැඩම කර සිටියහ.
