විශ්ව විද්‍යාල සිසුන් සදහා විශ්ව විද්‍යාල පරිශ්‍ර තුළ එන්නත් ලබාදීමේ දින වකවානු අදාළ විශ්ව විද්‍යාල වලින් සිසුන් වෙත දැනුවත් කරනු ඇතැයිද, ඒ අනූව එම දිනවලදී ගොස් සිසුන් එන්නත් ලබාගැනීමට කටයුතු කරන ලෙස නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවසුවේය.
ඔහු මේ බව පැවසුවේ, අද (08) රජයේ නිල පුවත් වෙබ් අඩවියට අදහස් දක්වමිනි.
අදාළ විශ්ව විද්‍යාල විසින් පළාතේ සෞඛ්‍ය වෛද්‍ය නිලධාරී කාර්යාල සමග සම්බන්ධවී ළමයින් සංඛ්‍යාවට ප්‍රමාණවත් එන්නත් ලබාගනිමින් සියලු කටයුතු සූදානම් කරගනිමින් එන්නත්කරණ සිදුකරනු ලබන දින දැනුම්දෙනු ඇති බව ඔහු වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
