2020/2021 වර්ෂයේ නව භෞතික ඉදි කිරීම් කිසිවක් නොකිරීමට රජය ප්‍රතිපත්තිමය තීරණයකට එළඹ ඇති බවත් එම තත්වය වෙනස් වී ප්‍රතිපාදන ලද විගස මෙම ගැටළුවට ප්‍රමුඛතාවය ලබා දෙන බවද අමාත්‍යවරයා සඳහන් කළේය.
දෙමළ ජාතික සන්ධාන පාර්ලිමේන්තු මන්ත්‍රී චාර්ල්ස් නිර්මලනාදන් මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව ප්‍රකාශ කළේය.
මුලතිව් දිස්ත්‍රික්කයේ ප්‍රාදේශීය ලේකම් කොට්ඨාශ 06ක් ග්‍රාම සේවා වසම් 136කි. එහෙත් මෙම දිස්ත්‍රික්කයේ ප්‍රධාන තැපැල් කාර්යාල ඇත්තේ 05කි.උප තැපැල් කාර්යාල ගණන 12කි. භූ ගෝලීය විශාලත්වය සහ ජන ගණත්වය අනුව එය කිසිසේත්ම ප්‍රමාණවත් නොවන අතර නැවත ඉදිකිරීම් ආරම්භ කළ වහාම උතුරු පළාතට ප්‍රමුඛත්වය ලබා දෙන බවද අමාත්‍යවරයා සඳහන් කළේය.
