දීර්ඝ කාලයක් පුරා නිසි දියුණුවකට හෝ ප්‍රතිසංස්කරණයකට ලක් නොවූ හුරුළුවැව රෝහලට නව ගොඩනැගිලි සංකීර්ණයක් ලබා දීමත් පැරණි ගොඩනැගිල්ල ප්‍රතිසංස්කරණය කිරීමත් ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා විසින් ආරම්භ කරන ලදී.
හුරුළුවැව ගොවිජනපදයේ දහස් සංඛ්‍යාත පිරිසක් මෙම රෝහලින් සේවය ලබා ගනිති. ගරු රාජ්‍ය අමාත්‍ය මහාචාර්ය චන්න ජයසුමන මහතාගේ ඉල්ලීම මත රෝහලේ ඉදිකිරීම් කටයුතු කොන්ත්‍රාත්කරුවන්ට ලබා දීම වෙනුවට ශ්‍රී ලංකා යුද හමුදාවේ දායකත්වයෙන් එම ඉදිකිරීම් සිදු කරනු ලබයි.
අනුරාධපුර ප්‍රාදේශීය සෞඛ්‍ය සේවා අධ්‍යක්ෂ, ස්ථාන භාර වෛද්‍ය නිලධාරී, ශ්‍රී ලංකා යුද හමුදා ඉංජිනේරු බළකා කර්නල් චමල් මහේන්ද්‍ර මහතා ඇතුළු පිරිසක් මෙම අවස්ථාවට සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
