එම කාර්යාල ප්‍රවාහන සේවාව ආරම්භ කිරිම (01) පස්වරුවේ ප්‍රවාහන අමාත්‍ය පවිත්‍රා වන්නිආරච්චි මහත්මිය විසින් සිදුකරන ලදී.
කොවිඩ් වසංගත තත්ත්වය පාලනය වීමත්,පලාත් සංචරන සීමා ඉවත් කිරීමත් සමගම රාජ්‍ය හා පෞද්ගලික ආයතනවලට රැකියා සඳහා පැමිණෙන සේවකයින්ගෙ පහසුව සඳහා මෙම කාර්යාල ප්‍රවාහන සේවාවන් ආරම්භ කිරිමට පියවර ගෙන ඇත.
රාජ්‍ය හා පෞද්ගලික අංශයේ දෙපාර්තමේන්තු සහ ආයතන විශාල ප්‍රමාණයක් නාරාහේන්පිට නගරයේ පිහිටා තිබීම හේතුවෙන් විශාල පිරිසක් දෛනිකව නාරාහේන්පිට නගරයට පැමිණෙන බැවින්, ප්‍රථම පියවර ලෙස මෙම කාර්යාල ප්‍රවාහන සේවාව නාරාහේන්පිට නගරයෙන් ආරම්භ කිරිමට තීරණය කරඇත .
මෙහි දෙවන පියවර ලෙස රාජ්‍ය දෙපාර්තමේන්තු හා පෞද්ගලික ආයතන පිහිටා තිබෙන බත්තරමුල්ල සහ පැලවත්ත යන නගරවලින් ද ඉදිරි දිනවලදි ප්‍රධාන නගර කිහිපයකට මෙවැනිම කාර්යාල බස්රථ සේවාවන් අරම්භ කිරිමට සැලසුම්කර ඇතිබව ජාතික ගමනාගමන කොමිෂන් සභාව අවධාරණය කරයි .
සොෟඛ්‍ය අමාත්‍යාංයෙන් නිකුත් කරන ලද සියලුම කොවිඩ් ආරක්ෂිත මාර්ගෝපදේශවලට අනුකූලව මෙම ප්‍රවාහන සේවාවන් ක්‍රියාත්මක කරන බව ප්‍රවාහන අමාත්‍යාංශය අවධාරණය කරයි. මෙම කාර්යාල ප්‍රවාහන සේවාවන් ආරම්භ කිරිමේ අවස්ථාවට ප්‍රවාහන අමාත්‍යාංශයේ ලේකම් මොන්ටි රණතුංග, ජාතික ගමනාගමන කොමිෂන් සභාවේ සභාපති ශෂි වෙල්ගම යන මහත්වරුන්ද සහභාගී වූහ.
