දිස්ත්‍රික් ලේකම් ජනක ජයසුන්දර මහතාගේ උපදෙස් පරිදි මෙම පීඩාවට පත්වූවන් සදහා පිසූ ආහාර ලබාදීමට පියවර ගෙන තිබේ.
මහවිලච්චිය ප්‍රාදේශිය ලේකම් කොට්ඨාසයේ හැලඹවැව , විලච්චිය , පේමඩුව , රන්දූව, පලුගස්වැව , මන්නාරම් හංදිය , සදමල් එළිය , ඇත්දත්කල්ල , තුප්පිටිය යන ප්‍රදේශයන් හි පවුල් 93කට අයත් 300 කට අධික පිරිසක්
පීඩාවට පත්ව සිටී.
නොච්චියාගම ප්‍රාදේශීය ලේකම් කොට්ඨාසයේ නැලවගම , පහලමාරගහවැව හා තිඹිරිවැව යන ප්‍රදේශවල පීඩාවට පත් පවුල් සංඛයාව 33 ක් . ඊට අයත් පුද්ගලයින් සංඛ්‍යාව 145 කි. තවමත් එම ප්‍රදේශවල පිරිස් මුදාගනිමින් සිටින බවද වාර්තා වේ.
රාජාංගනය ප්‍රාදේශීය ලේකම් කොට්ඨාසයේ රන්දෙණිගම, අංගමුව හා යාය 15 යන ප්‍රදේශවල පවුල් 20 කට අයත් 75 ක පමණ පිරිසක් ජලගැලීම් වලින් පීඩාවට පත්ව සිටී.
මෙම සියලු පිරිස පීඩාවට පත්ව ඇත්තේ නිවෙස් ජලයෙන් යටවීම හේතුවෙන්. දැනට එම පිරිස් ඥාති නිවෙස් වල රඳවා සිටී. ප්‍රාදේශිය ලේකම්වරුන්ගේ මැදිහත් වීමෙන් ප්‍රාදේශීය ලේකම්කාර්යාලන් හි ආපදා නිලධාරීන් , ස්වේච්ඡා පිරිස්
එක්ව පුද්ගලයින් මුදාගැනිමේ කටයුතු වල නිරත වේ. ජලය බැසයන තෙක් නිවාස හානි ගණනය කළ නොහැකි බව ආපදා සහන සේවා මධ්‍යස්ථානය සදහන් කරයි.
DMU/Anuradhapura
