ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතාගේ ඉල්ලීම අනුව, උතුරු මැද පළාතේ රෝහල් සඳහා රු. මිලියනයක් වටිනා ECG යන්ත්‍ර 05 ක් පරිත්‍යාග කරන ලදී.
ජොර්ජ් ස්ටුවර්ට් හෙල්ත් සමාගමේ “සෙනෙහස” සත්කාරක වැඩසටහන යටතේ මෙම පරිත්‍යාගය සිදු කරන ලදි.
ජොර්ජ් ස්ටුවර්ට් හෙල්ත් සමාගමේ කළමනාකරණ අධ්‍යක්ෂ එරාන් රණසිංහ මහතා විසින් ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා වෙත කොළඹ 10, “ඔසු පියස”,ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය කාර්යාලයේ දී, එම ECG යන්ත්‍ර භාරදෙන ලදී.
මෙම අවස්ථාවට එම රාජ්‍ය අමාත්‍යාංශයේ ලේකම් වෛද්‍ය ආර්. එම්. එස්. කේ. රත්නායක මහතා ද සහභාගි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
