දැනට සෞඛ්‍ය මාර්ගෝපදේශ වල සදහන් පරිදි ලබාගත් එන්නත් වර්ගය ගැන නොසළකා ඒ ඒ වයස් කාණ්ඩ වල සහ ඒ ඒ රෝග ලක්ෂණ ඇති පුද්ගලයන් හට නියමිත කාලසීමාව තුළ ෆයිසර් බූස්ටර් එන්නත ලබාගැනීමේ හැකියාවක් පවතින බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා කියා සිටියේය.
ඔහු මේ බව සදහන් කළේ, (22) සෞඛ්‍ය ප්‍රවර්ධන කාර්යංශයේ පැවති කොවිඩ් පිළිබද මාධ්‍ය හමුවේදී අදහස් දක්වමිනි.
පාසල් විවෘත කිරීම පිළිබදව අදහස් දක්වමින් ඔහු වැඩිදුරටත් කියා සිටියේ, අද පවතින වාතාවරණයට ගෙන ඒමට සෞඛ්‍ය පුරුදු පැත්තෙන් මෙරට බහුතර ජනතාවගෙන් විශාල සහයෝගයක් ලද බවයි.
එය අමතක කළ නොහැකි බවත් මින් ඉදිරියටද එම සහය සියලු දෙනාගෙන් ම අපේක්ෂා කරන බවද ඔහු පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
