පසුගිය දිනවල පැවති අධික වර්ෂා තත්ත්වයත් සමග ඩෙංගු රෝගීන්ගේ වැඩිවීමක් දක්නට ඇතැයිද, ඒ අනූව කොළඹ රිජ්වේ ආර්යා ළමා රෝහලේද වෙනදාට වඩා දෙගුණයක පමණ රෝගීන් නේවාසිකව ප්‍රතිකාර ලබන බවද කොළඹ රිජ්වේ ආර්යා ළමා රෝහලේ අධ්‍යක්ෂ විශේෂඥ වෛද්‍ය ගුරුසිංහ විජේසූරිය මහතා සදහන් කළේය.
ඔහු මේ බව පැවසුවේ, අද (23) රජයේ නිල පුවත් වෙබ් අඩවියට අදහස් දක්වමිනි.
මීට සති 02කට පමණ පෙර කාලයේදී දිනකට රෝගීන් 3 -4 ක් පමණ නේවාසිකව ප්‍රතිකාර ලැබීම සදහා රෝහලට ඇතුලත් වුවද, මේ වන විට රෝගීන් 4 -5 ක් පමණ දිනකට රෝහල්ගත වන බවද ඒ අනූව මෙම දිනවල ඩෙංගු රෝගීන්ගේ පැහැදිලි වැඩිවීමක් දක්නට ඇතැයිද ඔහු කියා සිටියේය.
ළමයින් අතර ඩෙංගු රෝගය වැඩිවීමක් පෙන්නුම් කරන බවද කොළඹ, ගම්පහ දිස්ත්‍රික්කවල ඩෙංගු රෝගීන්ගේ වැඩිවීමක් දක්නට ලැබෙන බවද ඔහු වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
