ඇසිදිසි මාධ්‍ය රක්ෂණාවරණය ප්‍රදානය කිරීම ජනාධිපති ගෝඨාභය රාජපක්ෂ මහතාගේ සහ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් දෙසැම්බර් මස 02 දින පෙරවරුවේ දී පැවත්වීමට කටයුතු කරන බව කැබිනට් මාධ්‍ය ප්‍රකාශක ,ජනමාධ්‍ය අමාත්‍ය ඩලස් අලහප්පෙරුම මහතා ප්‍රකාශ කළේය.
ඒ මහතා මේ බව කියා සිටියේ, අද (24) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේ දී ය.
මාධ්‍ය ආයතනවල හෝ මාධ්‍යවේදීන්ගේ කිසිඳු දායකත්වයක් නොමැතිව රාජ්‍ය වගකීමක් ලෙස සළකා මෙම කර්තව්‍ය ඉටු කිරීමට තීන්දු කොට ඇති බව හෙතෙම මෙහි දී වැඩිදුරටත් කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
