නාවලපිටිය ගඟඉහළකෝරළේ අධ්‍යාපන කොට්ඨාසයේ පිහිටි කුරුඳුවත්ත රාජකීය විද්‍යාලයේ ඉගෙනීමට දක්ෂ, අඩු ආදායම්ලාභි පවුල්වල සිසුන් 25 දෙනෙකුට ලැප්ටොප් බෙදා දීම කෘෂිකර්ම අමාත්‍ය මහින්දානන්ද අලුත්ගමගේ මහතා අතින් සිදු කෙරිණ.
ඇමරිකාවේ ෆ්ලෝරිඩාහි පදිංචි තේජ් සුබසිංහ මහතාගේ උපන් දිනය නිමිත්තෙන් මෙම ලැප්ටොප් පරිගණක පරිත්‍යාග කර ඇත්තේ අමාත්‍ය මහින්දානන්ද අලුත්ගමගේ මහතාගේ ඉල්ලීමක් අනුවය.
කොරෝනා වසංගතය නිසා අධ්‍යාපන කටයුතුවලට එල්ල වී ඇති බාධාවන් මැඩ ගෙන, මාර්ගගත ක්‍රමවේදයට අධ්‍යාපන කටයුතු සාර්ථක කර ගැනීමට මෙම ලැප්ටොප් පරිගණක බෙහෙවින් ඉවහල් වන බව පරිගණකලාභි සිසුන් සඳහන් කළේය. මෙම විද්‍යාලයේ උසස් පෙළ සිසුන් 15 දෙනෙකුට හා සාමාන්‍ය පෙළ සිසුන් 10 දෙනෙකුට අමාත්‍යවරයා අතින් ලැප්ටොප් පරිගණක ප්‍රදානය කෙරිණ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
