සියලුම ඉඩම් වලට ජංගම සේවා පවත්වා ස්වර්ණභූමි,ජයභූමි ඇතුළු ඔප්පු ලබාදෙන බවත් මෙවර ඔප්පු ලක්ෂයක් ලබා දීම රජයේ ඉලක්කය බවත් ඉඩම් අමාත්‍ය එස්.එම් චන්ද්‍රසේන මහතා අද(02) පාර්ලිමේන්තුවේදී පැවසීය.
මෙම වසර අවසානයේ ඔප්පු 75,000ක් ලබා දිය හැකි බව ද අමාත්‍යවරයා පැවසීය.
පාර්ලිමේන්තු මන්ත්‍රී මයන්ත දිසානායක මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.
1972 සිට ඉඩම් ප්‍රතිසංස්කරණ පනත ක්‍රියාත්මක වූ සමයේ සිට අනවසරයෙන් පදිංචි පුද්ගලයන් සිටින බවත් ඒ සියලු අයට ඔප්පු ලබා දෙන බවත් කීය. පසුගිය සමයේ ඔප්පු 200ක් අතුරුදහන් වූ බවත් , අක්කරය රු 500 ගණනේ පවා ඉඩම් ලබා දී ඇති බවත් ඒ සම්බන්ධයෙන් විමර්ෂණය සිදු කරන බවද අමාත්‍යවරයා පැවසීය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
