ජනමාධ්‍ය අමාත්‍ය ඩලස් අලහප්පෙරුම මහතාගේ මඟපෙන්වීම යටතේ රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක සහ නියෝජ්‍ය ප්‍රවෘත්ති අධ්‍යක්ෂ ජනරාල් මිලින්ද රාජපක්ෂ යන මහත්වරුන්ගේ පූර්ණ උපදේශකත්වය යටතේ මෙම දෙදින වැඩසටහන ක්‍රියාත්මක විය.
රජයේ ප්‍රවෘත්ති දෙපාර්තමේන්තුව, ජාතික මාධ්‍ය මධ්‍යස්ථානය එක්ව වැඩසටහන සංවිධානය කළේ ය. සමාජ මාධ්‍ය අවකාශය තුළ සාර්ථජ ප්‍රවෘත්ති භාවිතාවක් සිදු කිරීම, සමාජ මාධ්‍ය භාවිතයේ නව ප්‍රවේශ පිළිබඳව විද්වත් දේශන රැසක් මෙම වැඩසටහන එක් කර තිබුණි.
වැඩමුළුවේ ප්‍රධාන ආරාධිත අමුත්තා ලෙස ජනමාධ්‍ය අමාත්‍ය ඩලස් අලහප්පෙරුම මහතා සහභාගී විය.
එහිදී ජනමාධ්‍ය අමාත්‍යවරයාගේ ප්‍රධානත්වයෙන් රාජ්‍ය මාධ්‍ය ආයතනවලට සම්බන්ධ සමාජ මාධ්‍ය,නව මාධ්‍ය අංශ විසින් මෙතෙක් අත්කර ගෙන තිබෙන ප්‍රගතිය, ඉදිරි සංවර්ධන සැලසුම් පිළිබඳව සාකච්ඡාවක් ද පැවැත්විනි.
රජයේ ජනමාධ්‍ය ආයතනවල සමාජ මාධ්‍ය, නව මාධ්‍ය අංශ නියෝජනය කරමින් නිලධාරීන් පිරිසක් මේ අවස්ථවාට එක්ව සිටියේ ය
