නාරාහේන්පිට අභයාරාම විහාරස්ථානයට ගිය අග්‍රාමාත්‍ය මහින්ද රාජපක්ෂ මහතා අද (03) පෙරවරුවේ බස්නාහිර පළාත් ප්‍රධාන සංඝනායක, කොළඹ විශ්වවිද්‍යාලයේ කුලපති පූජ්‍ය මුරුත්තෙට්ටුවේ ආනන්ද නාහිමි බැහැ දැක නව වසරට ආශිර්වාද ලබා ගත්තේය.
පුජ්‍ය මුරුත්තෙට්ටුවේ ආනන්ද නාහිමියෝ මෙහි දී අග්‍රාමාත්‍යතුමාට ආශිර්වාද එක් කරමින් නව වසරේ රට හමුවේ ඇති අභියෝග ජය ගැනීම සඳහා නායකත්වය ලබා දෙන්නැයි අග්‍රාමාත්‍යතුමාගෙන් ඉල්ලා සිටියේය.
සියලු අභියෝග ජයගෙන රට ඉදිරියට ගෙන යාමට මහා සංඝරත්නයේ ආශිර්වාදය සහ ජනතාවගේ සහය අග්‍රාමාත්‍යතුමාට නොඅඩුව ලැබෙන බව ද මුරුත්තෙට්ටුවේ ආනන්ද නාහිමියෝ මෙහි දී සඳහන් කළහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
