අභාවප්‍රාප්ත කොන්සල් ජනරාල් වික්‍රමසිංහ මහත්මියගේ දේහය මේ වන විට මිලානෝ නුවර පිහිටි සැන් රෆායෙලේ රෝහලේ තැන්පත් කර ඇති අතර අදාළ විධිවිධාන අවසන් වූ පසුව, ඉතාලියේ සහ ශ්‍රී ලංකාවේ බලධාරීන්ගේ සම්බන්ධීකරණයෙන් දේහය, ශ්‍රී ලංකාවට ගෙන්වා ගැනීමට නියමිත ය.
අභාවප්‍රාප්ත විශාරද නීලා වික්‍රමසිංහ මහත්මිය විසින් 2021 දෙසැම්බර් 29 වැනි දින ඉතාලියේ මිලානෝ නුවර ශ්‍රී ලංකා කොන්සල් ජනරාල්වරිය ලෙස වැඩ භාර ගන්නා ලදි.
මෙම මොහොතේ දී අභාවප්‍රාප්ත කොන්සල් ජනරාල් වික්‍රමසිංහ මහත්මියගේ වියෝව හේතුවෙන් ශෝකයට පත්ව සිටින පවුලේ සාමාජිකයන් සහ අනෙකුත් අයටද විදේශ අමාත්‍යාංශය සිය සාතිශය සංවේගය පළ කර සිටියි.
විදේශ අමාත්‍යාංශය- කොළඹ
2022 ජනවාරි 18 වැනි දින
