බස්නාහිර පළාතේ මහජනයා නිසි ලෙස සෞඛ්‍යාරක්ෂිත උපදෙස් පිළිපදින්නේද යන්න පරීක්ෂා කිරීම හා සෞඛ්‍යාරක්ෂිත උපදෙස් උල්ලංඝණය කරන පුද්ගලයන්ට එරෙහිව පියවර ගැනීම ඉලක්ක කර ගනිමින් විශේෂ මෙහෙයුමක් ජනවාරි 23 දින (ඊයේ) ක්‍රියාත්මක කෙරිනි.
ඒ සම්බන්ධයෙන් පොලිස් මාධ්‍ය ප්‍රකාශක කාර්යාලය ජනවාරි 24 දින මාධ්‍ය නිවේදනයක් නිකුත් කරමින් තහවුරු කර ඇත.
රථ වාහන අංශ පොලිස් නිලධාරීන් විසින් යතුරුපැදි හා ත්‍රිරෝද රථවලින් ගමන් ගන්නා පුද්ගලයන් දැනුම්වත් කිරීම එහිදී සිදු වූ අතර යතුරු පැදි හා ත්‍රී රෝද රථ 5125ක් පරික්ෂා කර එම යතුරු පැදි හා ත්‍රී රෝද රථවලින් ගමන් ගන්නා පුද්ගලයන් 7084ක් සම්බන්ධයෙන් සොයා බැලිනි. එම පුද්ගලයන් අතුරෙන් 1015 දෙනෙකුට අවවාද කළ බව පොලිස් මාධ්‍ය ප්‍රකාශක කාර්යාලය පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
