මේ වන විට කොවිඩ් ආසාධිතව සිටින කථානායක මහින්ද යාපා අබේවර්ධන මහතාට චීන මහජන කොන්ග්‍රසයේ ස්ථාවර කමිටු සභාපති (චීන පාර්ලිමේන්තුවේ කථානායක) ලී ෂන්සු මහතා ලිපියක් මගින් ඉක්මන් සුවය ප්‍රාර්ථනා කර ඇත.
කොවිඩ් - 19 අභියෝගය ආරම්භයේ සිටම අන්‍යෝන්‍ය උපකාර මගින් චීනය සහ ශ්‍රී ලංකාව අතර පවතින සාම්ප්‍රදායික මිත්‍රත්වය වැඩි දියුණු වූ බවත් ඉදිරියේදීත් කොවිඩ් ව්‍යසනය ජය ගැනීමට චීනය නිබදව ශක්තියක් වන බවත් චීන පාර්ලිමේන්තුවේ කථානායක ලී ෂන්සු මහතා ලිපිය මගින් දන්වා ඇත.
තවද, දෙරටේ ව්‍යවස්ථාදායකයන් අතර පවතින සබඳතාවන් පුළුල් කිරීම හරහා චීන ශ්‍රී ලංකා සබදතා තවදුරටත් වර්ධනය කරගැනීමට අපේක්ෂා කරන බවද චීන කථානායකවරයා වැඩිදුරටත් ලිපිය මගින් දන්වා ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
