ජාත්‍යන්තර මූල්‍ය අරමුදල (IMF) නිකුත් කරන ශ්‍රි ලංකාව පිළිබඳ වාර්තාව සම්බන්ධයෙන් පාර්ලිමේන්තු විවාදයක් ලබා දෙන්නේද යන්න මීළඟ පක්ෂ නායක රැස්වීමේදී තීරණය කළ හැකි බව, සභානායක, අධ්‍යාපන අමාත්‍ය දිනේෂ් ගුණවර්ධන මහතා ප්‍රකාශ කළේය.
සභානායකවරයා ඊයේ 09 පාර්ලිමේන්තුවේදී මේ බව සඳහන් කළේ, එවැනි විවාදයක් ලබාදෙන ලෙස පාර්ලිමේන්තුවේදී කළ ඉල්ලීමකට ප්‍රතිචාර දක්වමිනි.
එ.ජා.ප. නායක පාර්ලිමේන්තු මන්ත්‍රී රනිල් වික්‍රමසිංහ මහතා මෙම ඉල්ලීම කළේය. ඔහු ඉල්ලා සිටියේ මේ මස තුන්වන සතියේ එම වාර්තාව නිකුත් කරන නිසා මාර්තු මස මුල් සතියේ විවාදය ලබා දෙන ලෙසය.
මීළඟ පක්ෂ නායක රැස්වීමේදී මේ සම්බන්ධයෙන් සාකච්ඡා කර තීරණයක් ගැනීමේ හැකියාව පවතින බව සභානායක, දිනේෂ් ගුණවර්ධන මහතා කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
