ජාත්‍යන්තර මූල්‍ය අරමුදල (IMF) ශ්‍රි ලංකාව සම්බන්ධයෙන් නිකුත් කළ වාර්තාව පිළිබඳව, ජනාධිපතිතුමා කැඳවන සර්ව පාක්ෂික සමුළුවේදී සාකච්ඡාවට ගත හැකි බව, සභානායක, අධ්‍යාපන අමාත්‍ය දිනේෂ් ගුණවර්ධන මහතා ප්‍රකාශ කළේය.
මෙම වාර්තාව සහ ඊට අදාළ ලේඛන නිල වශයෙන් නිකුත් කර ඇති නිසා ඒවා දේශපාලන පක්ෂ නායකයන්ට සහ මන්ත්‍රීවරුන්ට ලබා දෙන බවත්, සැඟවීමට කිසිවක් නොමැති බවත් ඔහු කියා සිටියේය.
සභානායකවරයා මෙම අදහස් පළ කළේ, ඊයේ( 09) පාර්ලිමේන්තුවේදී එක්සත් ජාතික පක්ෂ නායක පා.ම.රනිල් වික්‍රමසිංහ මහතා මේ සම්බන්ධයෙන් මතු කළ කරුණකට ප්‍රතිචාර දක්වමිනි. ජාත්‍යන්තර මූල්‍ය අරමුදල මෙම වාර්තා සහ ලේඛන මේ වන විටත් නිකුත් කර ඇති බවද ඔහු සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
