දේශීය කිරි නිෂ්පාදනය ඉහළ දමා දියර කිරෙන් මෙරට ස්වයංපෝෂිත කිරීම උදෙසා රජය ගෙනයන වැඩපිළිවෙල යටතේ ඉදිකෙරෙන මහා පරිමාණ ගොවිපලවල පරිසර වාර්තා සම්බන්ධ සාකච්ඡාවක් පසුගිය දා (15) කෘෂිකර්ම අමාත්‍ය මහින්දානන්ද අලුත්ගමගේ මහතා සහ පරිසර අමාත්‍ය මහින්ද අමරවීර මහතාගේ ප්‍රධානත්වයෙන් පරිසර අමාත්‍යංශයේදී පැවැත්විණි.
දේශීය සහ විදේශීය ආයෝජන ඔස්සේ මෙරට විවිධ ප්‍රදේශවල ක්‍රියාත්මක කෙරෙන කිරි ගොවිපල්වල් ආරම්භ කිරීමේදී පාරිසරික වාර්තා ලබාගැනීමේ විශාල ප්‍රමාදයක් ඇති අතර එමඟින් ආයෝජකයින් අධෛර්යයට පත්වීම වළක්වා කඩිනමින් වාර්තා ලබා දීමට කටයුතු කිරීම සහ වඩාත් නම්න්‍යශීලී ලෙස ආයෝජිකයින් සමඟ කටයුතු කිරීම පිළිබඳව මෙහිදී සාකච්ඡා කෙරිණි
මෙම අවස්ථාව සඳහා පරිසර අමාත්‍යංශයේ ලේකම්, මධ්‍යම පරිසර අධිකාරියේ සභාපති ඇතුළු නිළධාරීන් සහ පශු සම්පත් අමාත්‍යංශයේ නිළධාරීන් ද සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
