“ මැතිවරණ සහ ඡන්ද විමසීම් ව්‍යුහයේ හා නීතීරීතිවල ප්‍රතිසංස්කරණ හඳුනා ගැනීමටත්, ඒ සම්බන්ධයෙන් අවශ්‍ය සංශෝධන ඉදිරිපත් කිරීමටත් වන පාර්ලිමේන්තු විශේෂ කාරක සභාවේ ” වාර්තාව ඉදිරිපත් කිරීම සම්බන්ධයෙන් තවදුරටත් අධ්‍යයනය කිරීමට, (22 ) රැස් වූ කාරක සභාව සාකච්ඡා කළ බව එහි සභාපති, සභානායක, අධ්‍යාපන අමාත්‍ය දිනේෂ් ගුණවර්ධන මහතා ප්‍රකාශ කළේය.
එම අධ්‍යයනය කරන අතරතුර මේ සම්බන්ධයෙන් පත්කර ඇති, උපදේශකයන් අතර සාකච්ඡාවක් ඇති කිරීමටද එහිදී එකඟතාවයක් ඇති වූ බවද ඔහු පැවසීය.
2022.03.22 රැස්වීමට, අමාත්‍ය නිමල් සිරිපාලද සිල්වා මෙන්ම විමල් වීරවංශ, අනුර කුමාර දිසානායක, රංජිත් මද්දුමබණ්ඩාර, කබීර් හෂීම්, මධුර විතානගේ, එම්.ඒ.සුමන්දිරන්, මනෝ ගනේෂන්, රවුෆ් හකීම් යන පාර්ලිමේන්තු මන්ත්‍රීවරුද එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
