පැරණි මිලට දුම්රිය ප්‍රවේශපත් දිගින් දිගටම නිකුත් කිරීම හේතුවෙන් දුම්රිය සේවය අලාභ ලබන බවත්, අවසානයේදී එහි අහිතකර බලපෑම ද ජනතාව මතට පැටවීම සිදුවන හෙයින් ඉතාමත් සහනදායී මුදලකින් ප්‍රවේශපත් ගාස්තුව වැඩිකිරීමට කටයුතු කළ බවත්, ප්‍රවාහන අමාත්‍ය දිලුම් අමුණුගම මහතා පවසයි.
අමාත්‍ය මණ්ඩල හමුවෙන් අනතුරුව මාධ්‍ය වෙත අදහස් දැක්වූ දිලුම් අමුණුගම මහතා මේ බව පැවසුවේ දුම්රිය ප්‍රවේශ පත්‍ර ගාස්තුව ඉහළ දැමීම සම්බන්ධයෙන් මාධ්‍ය කළ විමසුමකට පිළිතුරු වශයෙනි.
මේ වන විට දුම්රිය ධාවනය සඳහා ඛණිජ තෙල් නීතිගත සංස්ථාවට ගෙවිය යුතු මුදල ගෙවා ගැනීමට නොහැකි තත්වයක් පවා ඇතිවී තිබෙන බවත්, වසරකට රුපියල් බිලියන 04ක් පමණ පාඩුවත් තිබෙන බවත්, එහි අහිතකර බලපෑම අවම කර ගැනීමට අඩුම මුදලකින් ප්‍රවේශපත් ගාස්තුව වැඩි කිරීමට කටයුතු කළ බවත්, දිලුම් අමුණුගම මහතා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
