රජයේ නිල පුවත් වෙබ් අඩවිය විසින් අද (අප්‍රේල් 01) කළ විමසුමකට පිළිතුරු වශයෙන් ඒ මහතා මේ බව පැවසීය.
වැඩිදුරටත් අදහස් දක්වමින් ඒ මහතා පැවසුවේ, ඊයේ සිදුවූ සිදුවීම පාලනය කිරීමට ආරක්ෂක අංශ කටයුතු කළ බවත්, මේ වන විට කළහාකාරි ලෙස හැසිරුණු පුද්ගලයන් 54 දෙනෙකු පොලිසිය විසින් අත්අඩංගුවට ගෙන ඇති බවත් පොලිස් මාධ්‍ය ප්‍රකාශකවරයා පැවසීය.
සමාජ මාධ්‍යවල පළවන ප්‍රවෘත්ති අදාළව පොලිසිය ගෙන ඇති ක්‍රියාමාර්ග මොනවාද යන්න සම්බන්ධයෙන් කළ විමසුමකට පිළිතුරු වශයෙන් පොලිස් මාධ්‍ය ප්‍රකාශකවරයා පැවසුවේ, ඒ සම්බන්ධයෙන් පොලිසිය පරීක්ෂණ සිදු කරන බවත්, සමාජ මාධ්‍යවල කලහකාරී හැසිරීම් ප්‍රවර්ධනය කරන පිරිස සම්බන්ධව අවධානයෙන් පසුවන බවත්ය.
එළැඹෙන 03 වැනිදා යම් ජනතා උද්ෂෝෂණයක් පවත්වන්නේ නම් සාමකාමීව උද්ඝෝෂණ පැවැත්වීමට ජනතාවට අයිතියක් ඇති නමුත් රාජ්‍ය දේපළ හා පුද්ගලික දේපළ විනාශ කරමින් කලහකාරීව හැසිරීමට ජනතාව කටයුතු කරන්නේ නම් නීති ප්‍රකාරව ඔවුන්ට විරුද්ධව කටයුතු කරන බවද පොලිස් මාධ්‍ය ප්‍රකාශකවරයා පැවසීය.
