ලංගම බස්රථ සාමාන්‍ය පරිදි ධාවනය ආරම්භ වී තිබෙන බව නියෝජ්‍ය සාමාන්‍යධිකාරී (ධාවන) පණ්ඩුක ස්වර්ණ හංස මහතා ප්‍රකාශ කරයි.
ඒ මහතා මේ බව කියා සිටියේ අද (04) රජයේ නිල පුවත් වෙබ් අඩවිය කළ විමසුමේ දී ය.
ප්‍රමාණවත් ඉන්ධන ලංගම සතුව පවතින බවත්, කිසිදු ගැටලුවකින් තොරව බස් රථ ධාවනය කිරීමට කටයුතු කරන බව හෙතෙම ප්‍රකාශ කළ අතර, ඇඳිරිනීතිය ඉවත් කිරීම පෙරවරු 6.00 ට සිදු වූ නිසා ධාවන කටයුතු වල යම් කිසි ප්‍රමාදයක් දක්නට ලැබුණ ද මේ වන විට ගමනාගමන කටයුතු සාමාන්‍ය පරිදි සිදු වෙන බව පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
