ඉන්ධන සහ ගෑස් බෙදා හැරීම තව දින කිහිපයකින් යථාතත්වයට පත් කළ හැකි බවත්, ඒහෙත් බලාගාර වල තිබෙන ධාරිතාව අනුව විදුලිය පැය 24 පුරාම ලබා දීමට නම් තව සති දෙකක පමණ කාලයක් ගත වන බව පාර්ලිමේන්තු මන්ත්‍රී කංචන විජේසේකර මහතා පැවසීය.
රටේ පවතින වර්තමාන තත්වය සම්බන්ධයෙන් ඊයේ (07) පැවති පාර්ලිමේන්තු විවාදයට එක්වෙමින් මන්ත්‍රීවරයා මේ බව සඳහන් කළේය. ඉන්ධන, විදුලිය සහ ගෑස් සැපයීමේදී ජනතාවට සිදු වූ අපහසුතාවය සම්බන්ධයෙන් කණගාටුව පළ කරනවා සේම එය යථාතත්වයට පත් කිරීමේ වැඩපිළිවෙළක් මේ වන විට ක්‍රියාත්මක වන බව මන්ත්‍රීවරයා පෙන්වා දුන්නේය.
මෙම අර්බුදයට විසඳුම් ලබා දෙනවා වෙනුවට ජනාධිපතිවරයා සහ අගමැතිවරයා ඉවත් කිරීමේ කාර්යයට විපක්ෂය නායකත්වය ලබා දී ඇතැයිද මන්ත්‍රීවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
