ජනතා පරමාධිපත්‍ය සහ පාර්ලිමේන්තු ප්‍රජාත්‍රන්තවාදය රැක ගැනීම සඳහා ජනාධිපති ගෝඨාභය රාජපක්ෂ මහතාගේ ඉල්ලීම මත, තමා තවදුරටත් මෙම නියෝජ්‍ය කතානායක ධූරයේ කටයුතු කිරීමට තීරණය කළ බව මන්ත්‍රී රංජිත් සියඹලාපිටිය මහතා අද (08) පාර්ලිමේන්තුවේදී පැවසීය.
එහෙත් තමා එය බාර ගන්නේ අප්‍රේල් අවසානය තෙක් පමණක් බවත් ඒ කාලයේදී නියෝජ්‍ය කතානායකධූරයේ වරප්‍රසාද කිසිවක් බාර නොගන්නා බව නියෝජ්‍ය කතානායකවරයා ප්‍රකාශ කළේය
පවතින පාලන ක්‍රමයේ සහ ආයතන වල බරපතල අඩුපාඩුකම් තිබුණද ඒය නිවැරදි කර ගත යුත්තේ ජනතා පරමාධිපත්‍ය මුල් කරගත් ක්‍රමයක් මත බවද නියෝජ්‍ය කතානායවරයා පෙන්වා දුන්නේය.
ජනතා පරමාධිපත්‍ය සහ පාර්ලිමේන්තු ප්‍රජාත්‍රන්තවාදය රැක ගැනීම මට පමණක් නොව සමස්ත ශ්‍රී ලාංකික ජනතාවටම පැවරෙන වගකීමක් බවද නියෝජ්‍ය කතානායකවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
