මෙහිදී ගොවීන් මුහුණ පා ඇති ගැටලු පිළිබඳ සන්දේශයක් අමාත්‍යවරයා වෙත භාර දීමට ද මෙම පිරිස කටයුතු කර තිබේ.
ඒ අනුව, ඔවුන්ගේ ගැටලු සඳහා විසඳුම් ලබා දීම අරමුණු කරගනිමින් අමාත්‍යාංශ නිලධාරීන් සමග සාකච්ඡාවක් ලබා දීමට තමා කටයුතු කරන බව අමාත්‍යවරයා මෙහිදී සඳහන් කළේය. තවද ගොවීන්ට අවශ්‍ය රසායනික පොහොර කඩිනමින් ලබා දීමට කටයුතු කරන බවත්, වගා හානිවලට වන්දි ලබා දිමට සැලසුම් කර ඇති බවත්, අමාත්‍යවරයා වැඩිදුරටත් පැවසීය.
සන්දේශය මඟින් පෙන්වා දී ඇති අනෙකුත් ඉල්ලීම් පිළිබඳව සාකච්ඡා කිරීම සඳහා දින 3ක් ඇතුළත අවස්ථාව සලසන බව ද අමාත්‍යවරයා මෙහිදි ප්‍රකාශ කළේය.
ගොවි ජනතාවගේ හඬට කන් දෙමින්, ගැටලු සඳහා විසඳුම් ලබා දීමට ක්‍රියාමාර්ග ගැනීම සම්බන්ධයෙන් ද, උද්ඝෝෂණ ස්ථානයට පැමිණ සිය ඉල්ලීම් කෙරෙහි ප්‍රමුඛ අවධානයක් යොමු කිරිම පිළිබඳව ද උද්ඝෝෂකයන් අමාත්‍යවරයාට සිය ස්තුතිය පළ කරන ලදී. එමෙන්ම ඉදිරියේ දී පැවැත්වෙන සාකච්ඡා සඳහා සහභාගී වීමට ද කටයුතු කරන බව ද මෙම පිරිස අමාත්‍යවරයා වෙත දැන්වීය.
