ඒ අනුව, කොළඹ වරායට රැගෙන ආ උර අටක් තුළ (08) පැකට් 220ක් ලෙස අසුරන ලද හෙරොයින් මත්ද්‍රව්‍ය තොගයේ බර කිලෝ 243 ග්‍රෑම් 052 ක් පමණ (ඇසුරුම් බර සහිතව) බව තහවුරු කර ගන්නා ලද අතර, එම මත්ද්‍රව්‍ය තොගයේ දළ වීථි වටිනාකම රුපියල් මිලියන 4861කට අධික වෙතැයි විශ්වාස කෙරේ. මෙම මෙහෙයුම මඟින් අත්අඩංගුවට ගත් විදේශීය සැකකරුවන් සහ මත්ද්‍රව්‍ය තොගය ඉදිරි නීතිමය කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාරදීමට කටයුතු කෙරුණු අතර, මේ සම්බන්ධ වැඩිදුර විමර්ෂණ කටයුතු ශ්‍රී ලංකා නාවික හමුදාව හා පොලිස් මත්ද්‍රව්‍ය නාශක කාර්යාංශය එක්ව සිදු කරනු ලබයි.
කොළඹ වරාය වෙත රැගෙන එන ලද මෙම මත්ද්‍රව්‍ය තොගය නිරීක්‍ෂණය කළ නාවික හමුදාධිපති, ශ්‍රීලංනානෞ සයුරළ නෞකාවේ නැව් මුළුව අමතමින්, විශාල මත්ද්‍රව්‍ය තොගයක් අත්අඩංගුවට ගනිමින් මෙරටට මත්ද්‍රව්‍ය ඇතුළු වීම වැළැක්වීම සඳහා සිදුකළ සාර්ථක මෙහෙයුම සඳහා දායකවූ නෞකාවේ අණදෙන නිලධාරී ඇතුළු සියළුම නාවික පුද්ගලයින්ගේ සේවය එහිදී ඇගයීමට කටයුතු කෙරිණි.
තවද, මත්ද්‍රව්‍ය උවදුර මෙරටින් පිටුදැකීමේ ජාතික අභිලාෂය සාක්ෂාත් කරගැනීම සඳහා ශ්‍රී ලංකා නාවික හමුදාව දේශයේ ප්‍රථම ආරක්‍ෂක වළල්ල ලෙස තම රාජකාරිය නොපිරිහෙලා ඉටුකරමින් මෙරට නීතිය බලාත්මක කිරීමේ ආයතනයන් හා එක්ව ඉදිරියටත් අඛණ්ඩව මෙවැනි මෙහෙයුම් සිදු කරනු ලබයි
