21 වන ව්‍යවස්ථා සංශෝධනය පිළිබඳ කමිටුව අද රැස් වූ බවත් අධිකරණ අමාත්‍ය විජේදාස රාජපක්ෂ මහතාගේ කෙටුම්පත සාකච්ඡා කොට එය කැබිනට් මණ්ඩලයට ඉදිරිපත් කිරීමට තීරණය කළ බව අග්‍රාමාත්‍ය රනිල් වික්‍රමසිංහ මහතා පවසයි.
අද (23) මාධ්‍ය වෙත විශේෂ ප්‍රකාශයක් කරමින් අග්‍රාමාත්‍යවරයා මේ බව පැවසීය.
කැබිනට් මණ්ඩලයේ සාකච්ඡා කර පක්ෂ නායකයින්ට ලබා දී ඒ අය සමඟ සාකච්ඡා කර නැවත කැබිනට් මණ්ඩලයට වාර්තා කරන්න කියා දැනුම් දුන් බවද අග්‍රාමාත්‍යවරයා පැවසීය. සිකුරාදා රැස්වී අඳහස් ලබාගැනීමත් ඉන් පසු සංශෝධන සහිතව සම්පූර්ණ වාර්තාවක් කැබිනට් මණ්ඩලයට යොමු කරන බවද වහාම සියලු දෙනාගේ සහයෝගය සහිතව මෙම සංශෝධනය සම්මත කරගැනීමට බලාපොරොත්තු වන බවද අග්‍රාමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
