ඔහු මේ බව පැවසුවේ, අද (24) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
වත්මන් තත්ත්වයේ අතුරු ඵල ලෙස පැනනැගී ඇතිදේශපාලන අවුල් සහගත තත්ත්වය නිරවුල් කර අලුත් වෙනසක් ඇති කිරීම සදහා අධිකරණ අමාත්‍ය විජේදාස රාජපක්ෂ මහතා ආණ්ඩුක්‍රම ව්‍යවස්ථාවට 21 වන සංශෝධනය ඉදිරිපත් කළ බව අමාත්‍යවරයා සදහන් කළේය.
එම සංශෝධනය ඊයේ ලබාදුන් බවද, ඒ් අනූව පාර්ලිමේන්තුව නියෝජනය කරන සියලුම පක්ෂ නායකවරුන්ට වහාම එම යෝජනාව ඉදිරිපත් කිරීමට කැබිනට් මණ්ඩලය තීරණය කළ බවද පැවසූ අමාත්‍ය බන්දුල ගුණවර්ධන මහතා වැඩිදුරටත් සදහන් කළේ ඒ පිළිබද අවශ්‍ය සංශෝධන, අදහස් උදහස් ලබාගනිමින් මේ සතිය තුළම මේ පිළිබද සාකච්ඡාව අවසන් කර එළඹෙන සතියේ කැබිනට් මණ්ඩල සාකච්ඡාවට මෙය බදුන් කරන බවයි.
