ඛණිජ තෙල් සංස්ථාව සහ විදුලි බල මණ්ඩලය පෞද්ගලීකරණය කිරීම පිළිබද සාකච්ඡාවක් මේ මොහොතේ නොමැති බව සමකැබිනට් ප්‍රකාශක විදුලිබල සහ බලශක්ති අමාත්‍ය කංචන විජේසේකර මහතා කියා සිටියේය.
ඔහු මේ බව සඳහන් කළේ, අද (24) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේ දී අදහස් දක්වමිනි.
පාඩු ලබන ආයතන රාජ්‍ය, පෞද්ගලික හවුල් ව්‍යාපාර වශයෙන් දියුණු කිරීමේ අවශ්‍යතාවය අගමැතිතුමා විශේෂයෙන් පෙන්වාදුන් බවද, විදුලිබල මණ්ඩලය සහ ඛණිජ තෙල් සංස්ථාව උපරිම සේවයක් සැලසෙන පරිදි වියදම් අවම කරගනිමින් ජනතාවට උපරිම සේවය ලබාදෙන කාර්යක්ෂම ආයතන බවට පත්කිරීමට උත්සහ ගන්නා බවද අමාත්‍ය කංචන විජේසේකර මහතා අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
