නිවසේ සිට රාජකාරී සිදුකරන රාජ්‍ය සේවකයන්ගේ වැටුප් කප්පාදුවක් සිදුනොකරන බව රාජ්‍ය පරිපාලන, ස්වදේශ කටයුතු, පළාත්සභා හා පළාත් පාලන අමාත්‍යංශයේ ලේකම් ප්‍රියන්ත මායාදුන්න මහතා කියා සිටියේය.
ඔහු මේ බව පැවසුවේ, අද (30) රජයේ නිල පුවත් වෙබ් අඩවියට අඳහස් දක්වමිනි.
මෙම දිනවල පවතින ඉන්ධන ගැටලු, ප්‍රවාහන අපහසුතා ආදිය සැළකිල්ලට ගනිමින් රාජ්‍ය සේවයේ සීමිත පිරිසක් පමණක් සේවා ස්ථානවලට පැමිණෙන ලෙසත් බහුතරයක් නිවසේ සිට රාජකාරී කිරීමට ඉඩ සලසමින් පසුගියදා රාජ්‍ය පරිපාලන අමාත්‍යංශය විසින් චක්‍රලේඛයක් නිකුත් කළ බව සිහිපත් කළ අමාත්‍යංශ ලේකම් මායාදුන්න මහතා වැඩිදුරටත් ප්‍රකාශ කළේ, නිවසේ සිට රාජකාරී සිදුකිරීම හේතුවෙන් ඔවුන්ගේ වැටුප් කැපීමට කිසිසේත් අවශ්‍ය නොවන බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
