ඩීසල් ලැබීමේ යම් ප්‍රමාදයක් පැවතිය ද පොදු ප්‍රවාහන සේවාවක් නිසා ලංගම බස් සාමාන්‍ය පරිදි ධාවනය සිදු කරන බව ලංගම නියෝජ්‍ය සාමාන්‍යධිකාරී (ධාවන) පණ්ඩුක ස්වර්ණහංස මහතා අද (02) රජයේ නිල පුවත් වෙබ් අඩවිය කළ විමසුමක දී පැවසීය.
එමෙන්ම ලංගම සතු ඩීසල් තොග වලින් අත්‍යවශ්‍ය සේවා සඳහා ගමන් කරන රථ වලට දපෞද්ගලික බස්රථ සඳහා ද ඩිසල් නිකුත් කරන බව ද එසේ සිදු කරන්නේ ද ලංගම ට ඩිසල් ලැබෙන ආකාරයට අනුව බව ද හෙතෙම පැවසුවේය.
ඒ අනුව, ලංගම සඳහා නියමිත ආකාරයට ඩීසල් ලැබුණහොත් කිසිඳු ගැටලුවකින් තොරව ධාවන කටයුතු සිදු කරන බව සඳහන් කළ හෙතෙම ඉදිරියටත් ලැබෙන ඩිසල් තොග වලට අනුව මෙම කටයුත්ත නිසියාකාරව සිදු කෙරෙන බවත් ඉදිරියටත් ඉල්ලුම් කර ඇති ආකාරයට ඩීසල් ලැබෙනු ඇතැයි බලාපොරොත්තු වන බවත් වැඩිදුරටත් ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
