ඔහු ඊයේ (11) මාධ්‍යයට අදහස් දක්වමින් මේ බව කියා සිටියේය.
සහල් මදි වන ප්‍රමාණයක් ඇති නම් දැනටම එය ඇණවුම් කිරීමට කටයුතු කරන බවද කියාසිටි කෘෂිකර්ම අමාත්‍යවරයා, ඇතැම් කූට වෙළදුන් මිල වැඩි කරන බව පෙනීයන අතරම එම නිසා ඇතැම් පුද්ගලයින් අනවශ්‍ය ලෙස සහල් තොග රැස්කර ගන්නා බවයි.
එය නිශ්ඵල ක්‍රියාවක් බව සඳහන් කළ අමාත්‍යවරයා, සහල් වල කල් ඉකුත් වන දින දුරින් සදහන් කර තිබුණද මසක් පමණ යන විට ඇතැම් සහල් ගුල්ලන් ගැසීමට හෝ නරක් වීමට ඉඩ ඇති බවද පැවසුවේය.
එම නිසා තොග රැස් කර නොගන්නා ලෙස ද, වී සදහා ද තත්ත්වය මෙලෙසම බවත්, වී මෝල් වල දිගුකල් තබාගත්තද සාමාන්‍ය නිවෙස් වල දිගු කලක් තබාගත නොහැකි බැවින් රැස්කර තබාගනිමින් අනවශ්‍ය නාස්තියක් නොකරන ලෙස ජනතාවගෙන් ඉල්ලා සිටියේය.
වී හිඟයක් නොමැති බවද, තමා කෘෂිකර්ම අමාත්‍ය ධූරයට පත්වූ පසු සියලුදෙනාගේම සහාය ලැබුණු අතර එම විශ්වාසයන් මත අවශ්‍ය ඉන්ධන සහ පොහොර ලැබෙනු ඇතැයි වන බලාපොරාත්තුව සමග වී දෙගුණයකින් වැඩිකර ගැනීමට අවස්ථාව උදාවී ඇතැයිද ඔහු පැවසුවේය.
පොහොර නිකන් ලැබුණු කන්නයට වඩා මෙම යළ කන්නයේ කුඹුරු වගා කරන ප්‍රමාණය වැඩි වන බවද අමාත්‍යවරයා අවධාරණය කළේ ය.
