මේ වන විට දැනට තිබෙන මාර්ග වල පාපැදි සඳහා වෙනම මන්තිරුවක් ලබා දීමට හැකි ද යන්න පිළිබඳව මාර්ග සංවර්ධන අධිකාරියට උපදෙස් ලබා දී තිබෙන බව ඒ මහතා පැවසූ අතර අතර මාර්ග සංවර්ධන අධිකාරිය සමඟ එක් ව දෙහිවල සිට කොල්ලුපිටිය දක්වා වූ මුහුදු බඩ මාර්ගයේ පාපැදි මංතිරුව ද ක්‍රියාත්මක කිරීමට ද නියමිතව ඇති බව හෙතම සඳහන් කළේය. මෙලෙස අතුරුමාර්ග වල ද පාපැදි ගමන් කිරීමේ වැඩපිළිවෙලක් ද ක්‍රියාත්මක කිරීමට නියමිතව තිබේ.
ඒ අනුව, කොළඹ නගරයට ඇතුල් වන සියලුම මාර්ග වල ද පාපැදි මංතිරුව ලබා දීමට පියවර ගන්නා බවත් එමඟින් කොළඹ නගරයේ වාහන තදබදයට විසඳුමක් ලබා දීමට හැකි වෙනු ඇති බව ද පැවසීය. එපමණක් නොව පාපැදිකරුවන්ගේ ආරක්ෂාව පිළිබඳව ඉතාම සැළකිලිමත්ව මෙම කටයුත්ත සිදු කිරීමට ද වග බල ගන්නා බව ඒ මහතා මෙහි දී වැඩිදුරටත් ප්‍රකාශ කළේය.
