අධ්‍යාපන අමාත්‍යංශයේ ඉදිරි කටයුතු සම්බන්ධයෙන් පැහැදිළි කිරීම සඳහා අද (19) රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකට එක්වෙමින් විභාග කොමසාරිස්වරයා මේ බව සඳහන් කළේය.
රට පුරා මධ්‍යස්ථාන 110කදී මේ වන විටත් විභාග උත්තර පත්තර ඇගයීම් කටයුතු සිදු වේ. ඉදිරියේදී මෙම නිලධාරින්ගේ ඉන්ධන සැපයීමේ කටයුතු තවදුරටත් ක්‍රමවත් කිරීමට බලාපොරොත්තු වන බව කී විභාග කොමසාරිස්වරයා, අපහසුතාවන් විඳගනිමින් දරුවන්‌ වෙනුවෙන් මෙම උත්තර පත්තර ඇගයීම් කටයුතු කර දෙන්නැයි ද නිලධාරින්ගෙන් ඉල්ලා සිටියේය.
එම නිලධාරින් සඳහා සිදු කරන දෛනික දීමනාවන් වැඩි කිරීම් සම්බන්ධයෙන් කැබිනට් මණ්ඩලය සමග සාකච්ඡා කර අවශ්‍ය කටයුතු මේ දිනවල සිදු කරන බවද විභාග කොමසාරිස්වරයා කීය.
