මෙම සතිය මුලදී සහ ලබන සතියේ මෙරටට පැමිණෙන බව තහවුරු කළ පෙට්‍රල්, ඩීසල් සහ බොරතෙල් තොග පැමිණීම තවත් ප්‍රමාද වන බවත් ඉන්ධන සඳහා පෝලිම් ගැසීමෙන් වළකින ලෙසත් ජනතාවගෙන් ඉල්ලා සිටින බවද විදුලිබල හා බලශක්ති අමාත්‍ය කංචන විජේසේකර මහතා නිකුත් කළ ට්විටර් පණිවුඩයක සඳහන් වෙයි.
මීළඟ ඉන්ධන නෞකාව වරායට පැමිණ ගොඩබාන තුරු, පොදු ප්‍රවාහනය, බලශක්ති උත්පාදනය සහ කර්මාන්ත සඳහා ප්‍රමුඛත්වය දෙන බවත් දැනට ඇති සීමිත ඩීසල් සහ පෙට්‍රල් තොග ලබන සතිය පුරාවට සීමිත ස්ථාන වෙත බෙදා හරින බවත් අමාත්‍යවරයා පවසයි.
එසේම සියලුම නව සහ දැනට සිටින සැපයුම්කරුවන් සමඟ සහයෝගයෙන් වැඩ කරන බවත් සැපයුම්කරුවන් , බැංකු සහ සැපයුම් හේතූන් මත නියමිත වේලාවට ඉන්ධන බෙදා හැරීම් සිදු කිරීමට නොහැකි වූ බවත් මීළඟ බොරතෙල් නෞකාව මෙරටට පැමිණෙන තෙක් පිරිපහදු මෙහෙයුම් තාවකාලිකව වසා දමනු ඇති බවද අමාත්‍යවරයා සඳහන් කර ඇත
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
