රට ඉදිරියට ගෙන යාමට අගමැති ප්‍රමුඛ රජයක්, ජනාධිපතිවරයා විසින් පත් කර ඇති බවත් එහෙත් රට අරාජික තත්ත්වයට ගෙන යෑමේ කටයුත්ත ඇතැම් පුද්ගලයින් විසින් සිදුකරමින් සිටින බව සභානායක,අමාත්‍ය දිනේෂ් ගුණවර්ධන මහතා අද(04) පාර්ලිමේන්තුවේ දී පැවසීය.
අද දිනයේ පාර්ලිමේන්තුව රැස් වූයේ සියළු පක්ෂ නායකයින් රැස්වී ගත් තීරණයකට අනුව බව සභානායකවරයා පෙන්වා දුන්නේය.
රට දැවැන්ත ඉන්ධන ගැටළුවකට මුහුණ දී ඇති බවත් , පාර්ලිමේන්තු මන්ත්‍රීවරු වශයෙන් අප සියළු දෙනාම ඉන්ධන ගැටළුවට මුහුණ දෙන බවද සභානායකවරයා පෙන්වා දුන්නේය.
මෙතෙක් කලක් ඇසීමට නොහැකිව ප්‍රමාද වූ ප්‍රශ්න 50කට පිළිතුරු දීමේ අවස්ථාව අද දිනයේ පාර්ලිමේන්තු මන්ත්‍රීවරුන්ට ලබා දී තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
